Ескі техникаға –жаңа өмір!
Шектеулі бюджет пен төмен тариф жағдайында «Астана су арнасы» МКК басшылығы кәсіпорын техникасын жақсы күйде ұстаудың тиімді шешімін тапты. Бүгінде кәсіпорында арнайы техниканы жаңарту және қалыпқа келтірумен айналысатын сырлау цехі жұмыс істейді. Аталмыш цехтің басты мақсаты – ескірген техниканы қала мәртебесіне сай эстетикалық тұрғыдан жаңартып, өң беру. Мамандар техниканы қайта бояп, қажетті жөндеу жұмыстарын жүргізу арқылы оның сыртқы көрінісін жақсартады. Цех жұмысын бастағаннан бері қырықтан астам техника жаңартылған, әрі бұл көрсеткіш күн санап өсіп келеді. Кәсіпорын басшылығының қолда бар ресурстарды тиімді пайдалануының нәтижесінде сырлау цехі техниканың қала тұрғындарына жақсы күйде қызмет көрсетуін қамтамасыз етіп жатыр. Негізінен цех жұмысы сала мамандарының кәсіпорын мүлкіне деген жауапкершілігін арттыруға, сонымен қатар сумен жабдықтау және кәріздендіру жүйесінің ұзақ мерзімді әрі сапалы қызмет жасауына сеп болуға бағытталған.