Кәсіпорын қызметкерлерінің балаларына арналған мерекелік іс-шара
“Астана Су Арнасы” МКК кәсіподағы жаңажыл қарсаңында кәсіпорын қызметкерлерінің балаларына арналған ерекше мерекелік шара ұйымдастырды.Шарада кішкентай қонақтарға арналған көңіл көтеретін бағдарлама ұсынылды. Ертегі кейіпкерлері кейпіндегі аниматорлар балаларды ойындар мен байқауларға қатысуға шақырып, оларды сергітті. Сонымен қатар жастар арасында танымал «Мұзды өлке» мультфилімі кейіпкерлерінің қатысуымен ерекше қойылым ұйымдастырылып, бүлдіршіндерге естен кетпес әсер сыйлады. Балалар сүйікті кейіпкерлерімен кездесіп, сахналанған оқиғаларды қызығушылықпен тамашалады.
Қойылым аяқталған соң, әр балаға тәтті сыйлық табысталды. Бұл мерекелік шараның ең әсерлі сәттерінің бірі болды. Мереке тек балаларға қуаныш сыйлап қана қоймай, қызметкерлердің отбасыларын бір шаңырақ астында біріктіріп, жылы атмосфера қалыптастырды. Шара соңында кәсіпорын қызметкерлері көтеріңкі көңіл-күйде ұйымдастырушыларға ризашылықтарын білдіріп тарасты!