«Астана Су Арнасы» контролерлері жоспарлы инвентаризация жүргізді
2024 жылдың 21 сәуірінде «Астана Су Арнасы» мекемесінің контролерлері Есіл ауданына қарасты Пригородный елді мекенінде жоспарлы инвентаризация жұмыстарын жүргізді.
Бұл шараның басты мақсаты — әрбір тұтынушымен нақты байланыс орнатып, су есептегіш құралдарының жағдайын тексеру, заңсыз немесе есепсіз суды пайдалану жағдайларын анықтау және қызмет сапасын арттыру.
Атқарылған жұмыстардың қорытындысы мынадай:
▪️ Бір күн ішінде 184 үй араланды
▪️ 126 үйге контролерлер кіре алмағандықтан, қол жеткізбеу актісі толтырылды
▪️ 24 мекенжайға су есептегіш құралын орнату қажет екені туралы ескерту қағазы қалдырылды
▪️ 41 үйдің су есептегішінен көрсеткіштер тіркелді
▪️ 2 тұтынушыға пломбаның алынуы бойынша акт жазылды
▪️ 8 тұтынушыға, жалпы сомасы 87 000 теңгеге жуық, қарыздары туралы ескерту берілді
Бұл — «Астана Су Арнасы» мекемесінің тұтынушылармен ашық, әділ және жүйелі жұмыс істеуге бағытталған нақты қадамы.
Инвентаризация — әрбір тұтынушыны ескеріп, қызмет сапасын арттырудың жолы.